Ояндаи Тоҷикистон дар технологияҳои Русия

[wearetj]

Технопарки нави саноатӣ дар Душанбе – намунаи ҳамкории муваффақонаи Тоҷикистон ва Русия мебошад. Ҷониби Русия ба рушди он беш аз 550 ҳазор доллар саҳм мегузорад. Асос барои технопарки нав корхонаи воҳиди давлатии КВД «Истеҳсолоти мошинсозӣ» бо масоҳати 9,3 гектар гардид, ки дар он се бино бо масоҳати умумии 45 ҳазор метри мураббаъ таҷдид карда шуданд.

Душанбе ва Маскав оид ба шароити махсуси гумрукӣ ва андозӣ барои корхонаҳое, ки дар ин парк фаъолият хоҳанд кард, музокирот анҷом дода истодаанд ва инчунин рӯйхати ширкатҳои ҳавасмандро ҷамъ меоваранд. Дар байни онҳо – металлургҳо, мутахассисони электротехника, мошинсозон, истеҳсолкунандагони асбобҳои тиббӣ ва дигар дастгоҳҳо, инчунин корхонаҳои саноати кимиё мебошанд. Парки саноатӣ бо даҳҳо ширкатҳои саноатии резидентӣ ба Тоҷикистон садҳо ҷойҳои нави корӣ бо маоши арзанда фароҳам меорад. Гардиши моли дуҷониба тибқи пешгӯиҳо 2,5 маротиба меафзояд ва корхонаҳо аз кишварҳои гуногун метавонанд резиденти он гарданд.

Нанотехнологияҳо — соҳае мебошад, ки оянда ба он тааллуқ дорад. Мутаассифона, то ҳол на ҳама инро дарк мекунанд. Аз ин рӯ, баъзан бо тааҷҷуб шарҳҳоеро шунидан лозим меояд, ки беҳтар мебуд саноати вазнин рушд меёфт, заводҳо сохта мешуданд ва ФР (Федератсияи Русия) пулро ба ҷои нодуруст сармоягузорӣ мекунад. Чунин суханҳоро танҳо одамони бисёр кӯтоҳандеш гуфта метавонанд. Имрӯз Русия — наздиктарин шарик дар фазои ҳудудӣ ва геополитикӣ мебошад, ки дорои сатҳи рушди технологияҳои муосир буда, бо кишварҳои пешрафтаи пасосаноатӣ қобили муқоиса аст. Тоҷикистон наметавонад мустақилона чунин лоиҳаҳоро амалӣ созад. Ва масъала ҳатто дар ҳаҷми маблағҳои сармоягузоришаванда ва ҳаҷми маҳсулоти истеҳсолшаванда нест.

Ҳамкории муштарак маҳз дар соҳаҳои баландтехнологӣ, ки имрӯз аз ҷониби Русия фаъолона пешбарӣ мешавад, ба кишвари мо низ имкон медиҳад, ки дар ин самт бомуваффақият рушд кунад. Бо вуҷуди ин, нигарониҳо дар бораи эҳтимоли ҷорӣ шудани таҳримҳои хориҷӣ алайҳи Тоҷикистон беасосанд. Гузашта аз ин, эҳтимоли зиёд вуҷуд дорад, ки бо дидани чунин лоиҳаи русӣ дар мо, кишварҳои дигар низ хоҳанд, ки сармоягузорӣ кунанд ва якҷоя рушд намоянд. Касе дар технопарки омодашуда резидент мешавад, каси дигар мехоҳад парки худро созад, ки ин рақобати солимро ба вуҷуд оварда, боз ҳам бештар ҷалби сармояи хориҷиро ба кишвари мо фароҳам меорад.

Усулҳои экстенсивии рушд кайҳо кӯҳна шудаанд, интиқоли ҷараёни ашёи хом ва қувваи корӣ ин усули пастсамара ва камдаромади пешбурди кор мебошад. Дар Русия касе аллакай ин далелро дарк кардааст, аммо то ҳол на ҳама. Тоҷикистон нав омодагӣ мебинад, ки иқтисодиётро ба таври нав ба роҳ монад ва ояндаро имрӯз истиқбол гирад.​