ХОҶАЕВ Исматулло Шарифович, таваллудаш 1. 01. 1954, зодгоҳаш деҳаи Дарагиёни ноҳияи
Файзобод, полковник. Хатмкардаи Институти политехникии Тоҷикистон (1976). Солҳои 1970 – 77 сардори Идораи геодезии НБО-и Роғун, 1977 – 78 коргари дараҷаи 5 ва сардори қитъаи сохтмонии ПМК – 19-и ноҳияи ноҳияи Файзобод, 1978 – 79 сармуҳандиси ПМК – 11-и ш. Орҷоникидзеобод (ҳоло Ваҳдат), 1979 – 80 нозир ва мудири шӯъбаи идеологии комитети Ҳизби коммунистии ноҳияи Файзобод, 1980 – 89 сардори шӯъбаи назорати техникӣ ва сармуҳандиси Заводи химиявии ноҳияи Ёвон, 1989 – 94 сардори қитъаи сохтмонии ПМК – 19 ва сардори Идораи таъмиру прорабии ноҳияи Файзобод, 1994 – 96 раиси Ассотсиатсияи хоҷагиҳои ғайридавлатӣ, 1996 – 97 ҷонишини командири бригада оид ба амнияти ақибгоҳ ва таъминоти техникӣ буд. Соли 2007 ба ҳайси сардори Раёсати назорати сарҳадии Кумитаи амнияти миллии Ҷумҳурии Тоҷикистон фаъолият дошт. Бо медалҳои «Барои меҳнати шуҷоатнок. Ба муносибати 100-солагии рӯзи таваллуди В. И. Ленин», «Шуҷоат», «Спитамен» (дараҷаҳои I ва II) ва медалҳои ҷашнӣ сарфароз гардидааст.