ТАШРИПОВ Кароматулло Шарипович, таваллудаш 26. 12. 1962, зодагоҳаш деҳаи Чинаии
ноҳияи Файзобод, номзади илмҳои физикаю математика. Соли 1985 факултети физикаи Университети давлатии Тоҷикистонро бо дипломи аъло хатм намудааст. Фаъолияти кориашро соли 1985 дар Институти физикаю техникаи Академияи илмҳои Ҷумҳурии Тоҷикистон оғоз кардааст. Солҳои 1988 – 92 дар аспирантураи ш. Ленингради (ҳозира Санкт-Петербург) Федератсияи Россия ва Институти физикаю техникаи АИ ҶТ таҳсил намудааст. Соли 1993 дар соҳаи физика ва механикаи полимерҳо рисолаи номзадиро ҳимоя кардааст. Ҳоло ходими калони илмии Институти физикаю техникаи АИ ҶТ мебошад. Муаллифи зиёда аз 28 мақолаи илмӣ. Соли 1996 барои дастовардҳои илмӣ бо дипломи АИ Ҷумҳурии Тоҷикистон сарфароз гардидааст.