СУЛАЙМОНОВА Насима, таваллудаш 3. 05. 1983, зодгоҳаш деҳаи Файзободи ноҳияи Файзобод, омӯзгор. Хатмкардаи Донишкадаи давлатии забонҳои Тоҷикистон (2006). Ҳамзамон солҳои 2004 – 06 дар кафедраи забонҳои Шарқи Дур ва Шарқи Наздики донишкада ба ҳайси лаборант кор кардааст. Солҳои 2006 – 07 методисти шӯъбаи таълим, 2007 – 09 муовини декани ҳамин донишкада буд. Соли 2010 аспирантураи Академияи илмҳои Ҷумҳурии Тоҷикистонро хатм кард. Муаллифи 5 мақолаи илмию методӣ. Рисолаи номзадиаш таҳти унвони «Симои Рӯдакӣ дар ашъори шуарои муосир» тасдиқ шудааст.
