НОЗИРОВ Тоҷиддин, соли таваллудаш 1950, зодгоҳаш деҳаи Дуобаи ноҳияи Файзобод.
Солҳои 1968 – 73 оператори алоқаи почтаи ноҳияи Файзобод, 1973 – 78 муҳандиси узели алоқа буд. Соли 1978 Институти хоҷагии қишлоқи Тоҷикистонро ғоибона хатм кард. Солҳои 1978 – 79 зоотехники фермаи № 1, 1979 – 82 зоотехники ноҳия, 1982 – 87 мудири фермаи комплексии совхози «Файзобод», 1988 – 92 директори фабрикаи «Мурғи марҷон», 1992 – 99 раиси Ҳукумати ноҳияи Файзобод буд. Аз соли 2000 директори хоҷагии деҳқонии ноҳияи Файзободро ба ӯҳда дорад. Чанд даъват депутати Совети депутатҳои халқи ҷамоати деҳот ва Совети депутатҳои халқии ноҳия интихоб шудааст. Бо ифтихорномаҳо сарфароз гардидааст.