Результаты поиска

Рӯбанд кушоед зи сари пардаи асрор, Пас хеш бидонед, ки на шоҳу на гадоед. [Мавлоно Ҷалолиддини Румӣ] › #мавлоно

Ҳикмати олӣ надорӣ, такя бар бозу макун, Осмон бо ин бузургӣ бесутун истодааст. [Бедил] › #бедил

Гар биларзад панҷаи сайёд айб аз тир нест, Дар Қазои Зоти Ҳақ бар ақлҳо тадбир нест. [Саидалӣ Саид]

Меравам аз худ, намедонам, куҷо хоҳам расид, Маҳмили дардам ба дӯши нола борам кардаанд. [Бедил] › #бедил

Дил бинеҳ бар ҳавасе, ки дил аз он бар наканӣ, Шермардо, дили худро саги ҳар кӯй макун. [Мавлоно Ҷалолиддини Румӣ] › #мавлоно

Ин ки дил бастам ба меҳри оразаш, бад буд, бад, Ҷон, ки додам дар ҳавои ӯ, ғалат кардам, ғалат. [Вҳшии Бофқӣ]

Бо шамъ гуфтам аз чӣ сарат медиҳӣ ба бод? Гуфт он саре, ки саҷда надорад чунин хуш аст. [Бедил] › #бедил

Гуфта будам чу биёӣ ғами дил бо ту бигӯям, Чӣ бигӯям, ки ғам аз дил биравад чун ту биёӣ. [Шайх Саъдӣ]

Санги бадгавҳар агар косаи заррин шиканад, Қимати санг наяфзояду зар кам нашавад. [Шайх Саъдӣ]

Дилрабоӣ ҳама он нест, ки ошиқ бикушанд, Хоҷа он аст, ки бошад ғами хидматгораш. [Хоҷа Ҳофиз]

Ҳузури дил тамаъ дорӣ, зи таъмири ҷасад бигзар, Ки гавҳар аз садафҳо бе шикастан бар намеояд. [Бедил] › #бедил

Ҷавон Ҷавон токай чунин мадҳушу мастӣ, Ҳазорон тавба кардиву шикастӣ. Намеояд чаро як лаҳза шармат, Зи Холиқу Малики кулли ҳастӣ. Ҷавон то кай фасоду бенамозӣ, Ҷавон то кай шаробу лаҳну бозӣ. Гумон кардӣ, ки бо пулу зару сим, Ту аз парвардигорат бениёзӣ? Ҷавон то кай нафас бар оташу дуд, Ба...

Дӯст дорад ёр ин ошуфтагӣ, Кӯшиши беҳуда беҳ аз хуфтагӣ. [Мавлоно]

То кай, ай сар дар ҳаво дар осмон ҷӯйи Худо? Завқи аз боло нишастан нест соҳибхонаро. [Калими Кошони]

Тарсам, ки ман бимираму ғам бепадар шавад, Ин тифли нозпарвари ман дар ба дар шавад. [Ғанимати Панҷоби]

Файзи ҳаловат аз дили бе кибру кин талаб, Занбӯрро зи хона барор, ангубин талаб. [Бедил] › #бедил

Олам ҳама вайронаву ганҷина дили мо, Рахшанда гуҳар дар садафи сина дили мо. Бе нури Худо хоки сияҳро чи баҳоест, Анвори Худоро бувад оина дили мо. Ёбем таҷаллӣ зи Худо чун бишавад пок, Аз кибру риёву ғазабу кина дили мо. Гар меҳри Худо бар дили мо шӯъла нарезад, Равшан накунад пӯшиши...

Зи ёрон кина ҳаргиз дар дили ёрон намемонад, Ба рӯи об ҷойи қатраи борон намемонад. [Ваҳиди Қазвинӣ]

Мурда будам, зинда шудам, гиря будам, ханда шудам, Давлати ишқ омаду ман давлати поянда шудам. [Мавлоно]

Гар ба сурат одамӣ инсон будӣ, Аҳмаду Бӯҷаҳл худ яксон будӣ. [Мавлоно]